未來故事 永續香港
0
小天地|劉碧鈺

劉碧鈺,23歲,自出生起就住在漁光村白沙樓,家有父母、弟弟和兩隻倉鼠。現職寵物店店員,在銅鑼灣上班。

*****

劉碧鈺每日回家做的第一件事,就是餵糧草給自己養的倉鼠。起初兩隻倉鼠沒有名字,但久而久之,她喚公的那隻做「阿叔」,母的就叫「靚妹」。阿叔和靚妹分別住在兩個小小的籠,籠放在大門旁的窗台上,旁邊還有幾個四四方方的水缸,水缸養過烏龜和金魚。

劉碧鈺的家也是四四正正。她跟父母和弟弟同住在漁光村白沙樓,單位面績約300平方呎,原本只間出廚房和洗手間,其餘空間沒有間隔。劉家把單位間隔出一對「眼鏡房」:一間屬於劉碧鈺的爸媽,放有一張雙人床;另一間由劉碧鈺和弟弟共用,放有一張碌架床。

這個家曾經住過更多人。小學畢業以前,劉碧鈺和嫲嫲同睡在廳中的梳化床,爺爺獨佔一間房,爸媽和弟弟則佔另一間房。直至她升上中學,爺爺嫲嫲申請分戶,搬到靜海樓居住,劉碧鈺才首次擁有自己的睡床。「雖然冇自己嘅房,但我哋每人都有自己嘅空間。媽媽有電腦枱,細佬有書枱,爸爸就用飯枱。我冇枱,但我有兩個衣櫃啊!全家人最多衫就係我!」劉碧鈺說。「屋企唔使太大,同屋企人親密啲都好㗎。」

自中三起,她就在M記兼職賺錢。錢儲夠了,就買海洋公園全年入場證,一放學就去玩機動遊戲,「我連續買咗三年!呢個係好多南區人嘅共同回憶,我估當時一半同學都有買全年證。而且學生飛平啲㗎,一年五百幾蚊咋!」她也熱愛運動,不時沿橋跑步到海怡半島,或跟朋友到淺水灣游水、曬日光浴。

劉碧鈺也喜歡拍照,主要是充當攝影愛好者朋友的模特兒。遊走過香港各區大街小巷,她漸漸發現,自己的家漁光村是上佳的拍攝地點。整條村依山而建,五座樓的結構和設計都不相同,各有特色,「出面唔會搵到呢啲景,影懷舊feel一流!想影樓梯,可以來白沙、順風;想影超長走廊,可以去海港、靜海、海鷗;想要採光靚⋯⋯基本上每一幢都有靚位。」

夕陽西下,白沙樓梯間染成一片橘紅色,劉碧鈺倚著欄杆,讓攝影師拍下一張剪影。

 

第041期 - 2021年2月1日
[ - ]