沒有物品
徐振雄，39歲，自由身攝影師。2018年中申請房協「暫租住屋」，同年年底跟太太和女兒入住漁光村白沙樓。
徐晞桓，4歲，徐振雄的女兒，就讀幼稚園K1。
*****
自從搬到漁光村，徐振雄終於感受到成家立室的實在和安定，不再飄泊。這位39歲的自由身攝影師，自立以來，搬家十多次，住過劏房、工廈，也曾棲身工作的影樓。輪候公屋近七年，由單身人士變為三人家庭，至今仍在等候，加上年來疫情肆虐，編配進度停滯不前。
此前他住在九龍城東頭邨，家居淺窄，難以容納一家三口，女兒要交由外母照顧。2018年7月，太太留意到房協有新計劃，推出漁光村兩百多個空置單位作暫租住屋，申講資格為輪候公屋滿三年之二或三人家庭，姑且入紙申請。「可能因為呢度冇電梯，只有兩千幾個申請，即係有十分一機會中啦，都唔算渺茫吖，抽中咗仲可以安穩住五年」，徐振雄說，「我又唔介意冇電梯，更何況呢度啲樓梯好好行」。
8月底抽籤結果出爐，徐振雄一家的優先次序號碼為141；9月編配單位，幸運地抽中了白沙樓一個景觀開揚的單位，面向香港仔水塘道，「仲要有露台呢樣好吖嘛！老婆好開心！」他也慶幸房協翻新了單位內部，竪年4月正式入住時，只需簡單舖地板、安裝冷氣和熱水爐，「雖然住咗幾個月天花板就開始甩灰，但始終樓齡耐，我覺得係合理嘅，唔影響居住就得」。
相比東頭邨的喧鬧，徐振雄更喜歡漁光村的清靜，自成一角。再者，論生活上的便利，他認為漁光村更勝東頭邨，「可能正因為同銅鑼灣隔咗個山，香港仔會有齊所有生活配套。好似去銀行，住東頭邨時我要去黃大仙或九龍灣至有，依家行十分鐘落香港仔就有」。
鄰近海洋公園，是漁光村帶給他的另一個驚喜。「一搬來我哋就買咗年票，我同太太兩個人加埋千幾蚊，嗰時晞桓兩歲幾，唔使買飛。我哋個個星期都去海洋公園，有時一個禮拜去兩次添呀！」徐振雄笑說，「以前住九龍，去海洋公園好大件事㗎！邊似得依家4點鐘放學就可以去玩，坐轉纜車，玩到6點返屋企食飯又得」。
徐振雄和太太十分珍惜跟女兒相處的時光，這是他們選擇自由身工作的原因。若要維持這種生活模式，相宜的居住成本是必要的。「我唔想生活被租金壓力所綑綁。住間好啲嘅屋，搵多啲錢，咁我就要花更長時間工作，即係要請個工人照顧個女，係連鎖效應嚟㗎。我寧願依家咁，我哋可以自己照顧佢。講真，我哋可以咁close幾多年吖？最多咪十年八年。」看著身旁蹦蹦跳的女兒，徐振雄一再綻露燦爛的笑容。
