沒有物品
七十多歲
夫妻、退休漁民
「我地一出世就係水上、係船度碌下碌下。我們這些年紀的漁民，都唔識游水，亦唔知道出世係一九幾幾。最早出海就是成家人一齊搖出去，駛到駛唔郁就落網攞魚。細路哥時候，夜晚睡在船艙，偶爾會聽到黃花魚經過船身，發出『咯咯咯咯』的聲音。
搖船搖到二十幾歲才有摩打。有摩打還要有利（風帆），剩係得摩打亦唔夠，見風就要駛盡利。以前冇漁民買樓、冇人上岸、香港仔車路對出都是海。海很闊，帆船駛來駛去都可以。以前好多野做，漁網都是人手夾出來：買麻繩、在膝頭哥搓、打埋就是一張網。我們會斬碎一舊舊樹囊，混和漁網，再用一個大蒸籠蒸網，才算大功告成。這些都是一代傳一代的工序。
我們結婚時在歌堂船擺酒，擺了兩三日。以前酒席便宜，吃五餐、七餐都可以。船多的話會泊在一起慶祝、一起吃，有錢人甚至會請徐小鳳來唱歌。男家結婚後會改大名，但我們都忘記了那名字。
結婚後就慢慢分家、分家是在李小龍過身那年（1973年）。兩個大佬分船，我們只分了十多萬；上岸住了幾年，要找生意做。初初開新搭了隻舊船，後來『頭家佬』*叫我們裝新船，裝完一隻駛舊了，魚欄又叫我們裝大隻一點，大的就用到退休。裝新船就好比供樓，漁獲歸東家，直至還清債項。
裝了新船，出海出到好遠，一出便是十日八日；最在西是海南島、最在東是汕頭、台灣。我們用網攞魚，網身約長一百多尺。當感覺船身墜到唔郁，便開始攪網。初時好多魚獲，最好賣的是黃花、石斑、白倉、龍躉。有一次，我們入夜後才開始攪網，捉到甚麼魚都不知道。因為漁獲太多，我在船頭攪不動，老公在呔樓問我發生甚麼事。原來我們拖到一整網黃花，唯有分開兩『氣』攪。以前一水船最多可以有二十多萬魚獲，有鞋著的未必咁容易揾錢。
後來越來越多大陸漁船爭魚，大陸的網仔艇特別惡，會向其他漁船砸玻璃樽、碇石頭、要求賠錢。再到後來，油渣貴、漁獲不多、請不到人、子女不做、自己又老，就正式上街。
在溫黛之前，曾經在海上遇到颱風。茫茫大海、海浪拋來拋去，驚都冇法，冇任何野可以做。埋不到岸，唯有坐風挨、隨海飄、直到風停為止。」
*「頭家佬」泛指借錢予漁民裝新船的東主。
